Пра зіму

Пра зіму

19 января 2012, 08:00
3791

Зіма — казачная і многімі любімая пара года. Пазнаёміўшыся на ўроках з пейзажнымі вершамі пра зіму, мае вучні з 5«А» класа паспрабавалі выказацца пра яе ўласнымі вершаванымі радкамі. І вось што атрымалася.

Аксана Івашкевіч, настаўніца СШ №3 г.Лунінца

* * *

Зіма — цудоўная пара.
Усім людзям радасць прынясла.
Дарослыя ідуць на лёд,
Дзеці водзяць карагод.

Кацярына Іванюк

* * *

Снегавік стаіць ля хаты,
Дзеці водзяць карагод.
Мы вітаем наша свята,
Наша свята — Новы год!

Карына Дубіна

* * *

Зімой на горцы шум і смех,
Забавы усім дзецям.
Таўкуць адзін другога ў снег,
Бо кожны хоча з`ехаць.
Ляцім мы з сябрам на санях,
Дух забівае вецер.
Бы крылы выраслі у нас.
Шчаслівыя ўсе дзеці!

Назар Ярмольчык

* * *

Лес маўчыць. Лісця няма.
Дрэвы стаяць белыя.
Зноў да нас прыйшла зіма.
Мы на лёдзе смелыя.

Вікторыя Якубовіч