Лінія Сталіна

Лінія Сталіна

Такую назву мае гісторыка-турыстычны комплекс на трасе Мінск-Маладзечна, за шэсць кіламетраў ад Заслаўля.

Адкрыты ён для наведвальнікаў 30 чэрвеня 2005 года.  Займае 26 гектараў.

Адразу ж на пачатку агляду за асобную плату можна пастраляць з кулямёта сістэмы “Максім”.  Вялікую цікавасць выклікае адноўлены і абсталяваны ўчастак умацаванага раёна. Гэта дзвюх- і трохамбразурныя доты, камандны артылерыйскі назіральны пункт і гарматны паўкапанір. Паміж імі зроблена разгалінаваная сістэма траншэй.

Шмат разнастайных гармат, кулямётаў і мінамётаў часоў Вялікай Айчыннай вайны.

Для даведкі. Ланцужок умацаванняў, які ішоў ад Карэльскага перашыйка да Чорнага мора ўздоўж дзяржаўнай мяжы СССР, атрымаў неафіцыйную назву “Лінія Сталіна”.  На тэрыторыі Беларусі было 4 умацаваныя раёны:  Мінскі, Слуцкі, Мазырскі і Полацкі.

Гісторыка-турыстычны комплекс  паказвае амаль усю тэхніку не толькі часоў вайны, але і пасляваеннай Савецкай Арміі. Усе экспанаты адкрыты для турыстаў. А жадаючыя за асобную плату могуць пакатацца на танку ці бронетранспарцёры.

Последние новости