Ганна Ахматава і Кузьма Пятроў-Водкін

Ганна Ахматава і Кузьма Пятроў-Водкін

04 октября 2012, 14:00
1048
Віктарына

Вялікая, непараўнальная, яркая, самабытная, мужная… Якіх толькі эпітэтаў не мела, мае і будзе мець вялікі мастак слова Ганна Андрэеўна Ахматава!

Яе партрэты стваралі многія мастакі, але мы спынімся на адным з іх — Кузьме Пятрове-Водкіне. У 1922 годзе ён стварыў славуты «Партрэт Г.А.Ахматавай», што стаў з`явай культурнага жыцця, як і сама паэзія творцы:

Сягоння мой край у вялікай бядзе,

Нахлынула страшная жудасць.

Час мужнасці нашых гуртуе людзей,

І не пакіне нас мужнасць.

(«Мужнасць», пераклад В.Рабкевіча)

А цяпер — пытанні віктарыны:

1. Дзе сёння знаходзіцца-зберагаецца «Партрэт Г.А.Ахматавай» пэндзаля К.Пятрова-Водкіна?

2. Ці ведала паэтэса беларускую мову? Калі гэта так, то каго з нашых паэтаў яна пераклала?

3. Хто яшчэ пісаў партрэты Ганны Ахматавай?

4. Якія вы ведаеце вершы Г.Ахматавай, перакладзеныя на беларускую мову, і хто ў нас яе перакладаў?

5. Ваша асабістае стаўленне, ацэнка твора К.Пятрова-Водкіна пра Г.Ахматаву? А можа, вы ведаеце нейкія таямніцы гэтага партрэта?

Дасылайце адказы на працягу тыдня на мой адрас: 225413, г.Баранавічы-13, вул.Брэсцкая, 293/2, кв.42, Маліноўскаму Міхасю Міхайлавічу. Тры прызёры будуць узнагароджаны (адзін дадатковы прыз устаноўлены для хлопцаў). Калі ласка, разам з адказамі паведаміце свае прозвішча, імя, імя па бацьку, адрас і тэлефон, а для хлопцаў — і ўзрост.