Запрашаем да ўдзелу
01 марта 2013, 12:00

Запрашаем да ўдзелу

20-21 красавіка ў Беларусі адбудзецца чарговы «Фэст экскурсаводаў», прымеркаваны да Міжнароднага дня помнікаў і памятных мясцін, які адзначаецца ва ўсім свеце 18 красавіка па ініцыятыве ЮНЭСКА вось ужо 30 гадоў.
Поделиться

“Фэст экскурсаводаў” узнік у 2009 годзе з мэтай пазнаёміць жыхароў канкрэтных рэгіёнаў, гарадоў, вёсак, раёнаў і нават вуліц з тымі помнікамі, побач з якімі яны жывуць і ходзяць кожны дзень. Гэта шэраг бясплатных экскурсій па найцікавейшых мясцінах, па небанальных маршрутах і тэмах, якія будуць праведзеныя на працягу 2 дзён па розных кутках Беларусі.

«Фэст экскурсаводаў» — гэта адкрытая акцыя. Мы звяртаемся да краязнаўцаў і экскурсаводаў: прапануйце свае цікавыя пешаходныя маршруты! Падрыхтуйце тэму, якую вам даўно карцела раскрыць, але не было на яе камерцыйнага заказу. Ахвяруйце некалькімі гадзінамі, каб падзяліцца сваімі ведамі з тымі, хто хацеў бы больш даведацца пра родныя мясціны.

Патэлефануйце ці напішыце нам, паведамце пра сваё жаданне арганізаваць ці правесці экскурсію — і мы апублікуем яе ў агульным спісе экскурсій “Фэста экскурсаводаў”, які будзе размешчаны на буйнейшых інтэрнэт-парталах і ў друкаваных СМІ!

Будзем рады бачыць сярод удзельнікаў Фэста і турыстычныя прадпрыемствы. Дадайце ў агульны спіс сваю бясплатную экскурсію!

Пішыце нам на адрас:  [email protected] Тэлефоны для даведак: 8-029-5571124 (Цімох), 8-033-3413612 (Яўгенія), 8-029-8969785 (Валянціна).

Аргкамітэт: ГА «Беларускі камітэт ІКАМОС», ГА «Беларуская асацыяцыя экскурсаводаў
 і гідаў-перакладчыкаў», краязнаўчы клуб «Дыярыуш» (БДПУ імя М.Танка), інтэрнэт-партал «Holiday.by», турфірма «ТандэмТур»