Па краінах Еўропы. Венецыя
16 ноября 2016, 14:37

Па краінах Еўропы. Венецыя

Першы раз давялося наведаць гэты горад на вадзе ў далёкім 1996 годзе. Быў пахмурны лістападаўскі дзень. Наша дэлегацыя вярталася з дзелавога форума, які праходзіў у Генуі, і на некаторы час завіталі ў Венецыю. Хуценька прабегліся па асноўных знакамітых месцах, і з’ехалі.
Поделиться

А вось сёлета, напрыканцы жніўня, правёў у ім цэлы дзень. Уражанняў нават зашмат. Казачны город. Месціца на больш чым сотні астраўкоў, якія звязаны паміж сабой шматлікімi мастамі. Вузкія вулачкі. Тут некалі хадзіў абаяльны Казанова. Паўсюдна элегантныя гандолы. Ваша вока паўсюдна радуюць будынкі і палацы эпохі Рэнесанса.

Сабор і плошча Святога Марка

Самы наведвальны храм. Ён размешчаны на плошчы Святога Марка. Цудоўная архітэктура ў візантыйскім стылі.У Саборы знаходзяцца мошчы апостала Марка. Тут можна ўбачыць шматлікія прадметы мастацтва, якія прывезены з Канстанцінопаля яшчэ ў часы крыжовых паходаў.
Плошча Святога Марка – галоўная плошча Венецыі. Яна мае форму трапецыі. Даўжыня – 175 метраў, шырыня ў шырокай частцы – 82 метры, у вузкай – 56 метраў.

У паўднёва-усходнім кутку ўзвышаецца Калакольня Сан-Марко. Яе вышыня – 99 метраў.

Плошча Сан Марко

Палац Дожаў

Галоўны будынак Венецыі. Архітэктурны помнік Італіі. Гатычны стыль. Будаваўся палац на працягу 115 год — з 1309 па 1424 гады.

Палац Дожэй

Гадзіннікавая вежа

Знаходзіцца на плошчы Святога Марка. Пабудавана ў 15 стагоддзі. Астралагічная славутасць. Тут функцыянуе адзіны гадзіннікавы механізм, які адлічвае час, дні, тыдні, месяцы і гады. На цыферблаце рухаюцца сонца, месяц, сузор’е, планеты. Два бронзавых гіганты, якія ўстаноўлены на версе вежы, б’юць ў калакалы кожную гадзіну.

Гадзіннікавая вежа

Гранд-Канал

Ён праходзіць праз усю Венецыю. Гэты стары марскі шлях мае амаль 4 кіламетры ў даўжыню. Уздоўж барагоў лазурнай вады месціцца вялікая колькасць будынкаў – каля 170. Большасць з іх пабудавана ў перыяд ад 1200-х да 1700-х гадоў мiнулага тысячагоддзя.

Гранд-канал

Гандолы і гандальеры

Гандолы часта называюць самымі прыгожымі лодкамі ў свеце. Яны – “візітная картка» Венецыі. Гандальеры заўсёды працуюць на асабістых лодках. Унікальная прафесія перадаецца ад пакалення да пакалення. Каб атрымаць ліцэнзію, неабходна павучыцца 9 месяцаў і здаць сур’ёзны і складаны экзамен. Таксама трэба пацвердзіць веданне англійскай мовы.

Гандолы

Гандолы

Гондальер

Царква Санта-Марыя дэла Салютэ

Адна з самых яркiх славутасцяў. На яе вяршыні – вежы ў стылі Адраджэння. Яна пабудавана ў 1631 годзе ў гонар збаўлення Дзевай Марыяй Венецыі ад чумы. Слова «салютэ» азначае адначасова здароўе і выратаванне.

Царква Санта Марыя

Палаццо Кантарыні-дэль-Бавола

Пабудаваны ў 15 стагоддзі. Выглядае вельмі незвычайна. Ён не асабліва манументальны, нават кампактны. Выцягнуты ў вышыню і займае невялікую плошчу. Але прыгожае палаццо вельмі вызначаюць шматлікiя аркі з тонкімі стройнымі калонамі.

Палаццо Кантарыні-дель-Бавола

Калакольня Сан-Марко

У паўднёва-усходнім кутку плошчы Сан-Марко ўзвышаецца калакольня. Яе вышыня – 99 метраў. Венецыянцы паважліва называюць яе «гаспадаром дома».

З агляднай пляцоўкі калакольні адкрываюцца цудоўныя віды на горад.

Калакольня Кампаніле