Па краінах Еўропы. Чарнагорыя. Будва

29 ноября 2016, 10:31

Блоги

163

Горад месціцца ў цэнтральнай частцы ўзбярэжжа. Самае сонечнае месца Адрыятыкі. Першае ўпамінанне датуецца пятым стагоддзем да нашай эры. Будва мае Старую і Новую часткі. Старая акружана высокімі крэпаснымі сценамі, якія пабудаваны ў XV стагоддзі яшчэ да турэцкага нашэсця. Сцены ўмацаваны некалькімі вежамі і крэпасцю. Новая - гэта шырокі праменад з адкрытымі кафэ, рэстаранамі, дыскатэкамі і начнымі клубамі. Тут нямала імправізаваных гандлёвых кропак, мясных лавак, кулінарый.

Стары город

Тут шмат прыгожых куткоў і большасць славутасцяў. Вузкія хвалістыя вулачкі, маставыя з прыроднага каменю, сярэднявечны каларыт. Горад быў заснаваны ў XV стагоддзі. Увайсці сюды па-ранейшаму можна праз крэпасныя вароты, якія захаваліся да нашых дзён. У старажытных пабудовах на першых паверхах размясціліся сувенірныя крамы альбо кавярні. Дарэчы, тут і да гэтага часу жывуць людзі на верхніх паверхах. Па жаданні можна наведаць гарадскую Цытадэль, дзе размешчаны музей.

Востраў Святога Мікалая

Такую назву ён атрымаў дзякуючы сярэднявечнай царкве, якая была названа ў гонар гэтага святога. Храм датуецца XVI стагоддзем. Каля яго размешчаны старажытныя магілы. Лічыцца, што ў іх пахаваны чумныя ўдзельнікі крыжовых паходаў. Іншых пабудоў і жыхароў тут няма. Востраў прызнаны самым вялікім на Адрыятычным узбярэжжы: працягласць — 2 км. Тут шмат вечназялёнай расліннасці, розных відаў птушак і жывёлы.

Мясцовыя жыхары часцей называюць востраў Гаваямі, бо тут чысцюткая вада і ўтульныя пляжы.

Царква Святой Марыі

Зусім невялікая і, на першы погляд, нічым не вызначаецца, але пабудавана ў 840 годзе. Ёю ў XIV стагоддзі валодаў францысканскі манашскі ордэн. Дзейнічаў храм да 1807 года, а потым войскі Напалеона размясцілі ў ім канюшню.

Цяпер тут часта праводзяцца розныя музычныя вечары, бо акустычная сістэма гэтай царквы ўнікальная.

Царква Святога Івана

Непаўторна прыгожы храм у гатычным стылі. Пабудавана гэтая каталіцкая царква ў VII стагоддзі. Тут захоўваецца ікона Будванскай Богародзіцы, якая напісана самым Святым Лукой. Ікона лічыцца цуда-дзейнай. Яе шануюць як католікі, так і праваслаўныя. Царква ганарыцца сваёй бібліятэкай і архівамі.