Па краінах Еўропы. Чарнагорыя. Котар і Котарскі заліў

Па краінах Еўропы. Чарнагорыя. Котар і Котарскі заліў

08 декабря 2016, 15:53
244
Котар размешчаны ў самай аддаленай частцы аднайменнага заліва на поўначы чарнагорскага ўзбярэжжа. Стары горад поўнасцю абнесены сцяной, у ім шмат славутасцяў. Самая вядомая і прыкметная – Гадзіннікавая вежа. Таму горад унесены ў спіс Сусветнай спадчыны ЮНЭСКА.  А сам заліў – самы глыбокі прыродны ф’ёрд Міжземнага мора. Прыродныя ландшафты па берагах заліва вельмі маляўнічыя.

Котар – горад катоў. Тут ёсць плошча катоў, дзе можна іх убачыць вельмі шмат. У канцы ліпеня-напачатку жніўня праходзіць свята “Котарскі міжнародны летні карнавал”. Гэта своеасаблівы варыянт венецыянскага карнавала.

Царква Святога Трыфана

Самая вялікая і самая вядомая. З гэтым месцам звязана прыгожая легенда. Калісьці купцы плылі ў Венецыю, дзе хацелі прадаць мошчы Святога Трыфана. Але здарыўся моцны шторм і ім прыйшлося схавацца ў глыбіні Котарскага заліва. Тыдзень доўжылася бура. І вось камусьці з мясцовых жыхароў прыйшла думка, што гэта Святы Трыфан хоча застацца ў горадзе. За ноч была сабрана неабходная сума для выкупу мошчаў.

Для Святога Трыфана пабудавалі асобную царкву і з таго часу ён з’яўляецца заступнікам горада.

Часоўня Выратавання Багародзіцы Котарцы

Вакол горада на рознай вышыні былі пабудаваны бастыёны. На адным з іх і знаходзіцца часоўня. Ёй ужо больш за 500 год. Яна невялікага памеру, тут дзень і ноч гараць лампады.

Бока-Котарскі заліў

Адно з самых прыгожых месцаў. Большая частка заліва знаходзіцца пад абаронай ЮНЭСКА, бо гэта помнік сусветнай культуранй спадчыны.

Востраў Госпа ад Шкрпела – Багародзіца на Рыфе

Рукатворны востраў. Тут у 1452 годзе была найдзена ікона Божай Маці. Стагоддзямі там тапілі караблі і кідалі каменні. Так з’явіўся востраў, а на ім царква.