У Лунінцы ўшанавалі юбілей Пімена Панчанкі

У Лунінцы ўшанавалі юбілей Пімена Панчанкі

24 августа 2022, 11:03
88
Паэту было б 105 гадоў.

23 жніўня 2022 года ў Лунінецкай цэнтральнай раённай бібліятэцы прайшоў паэтычны вечар “З вершам па жыцці”, прысвечаны 105-й гадавіне з дня нараджэння Пімена Панчанкі, паведамляе сайт ЛРЦБС.

Бібліёграф Таццяна Ванюк пазнаёміла прысутных з жыццёвым шляхам  і творчай дзейнасцю паэта. Шматгранная паэтычная творчасць П. Панчанкі знайшла адлюстраванне ў болей чым 30 зборніках. Вершы П. Панчанкі прасякнуты любоўю да чалавека, роднага краю. Нямала радкоў прысвяціў ён роднай мове, прыгажосці і духоўнай вартасці беларускага слова.

Вершы Пімена Панчанкі “Краіна мая, радасць мая” і “Кажуць, мова мая аджывае” прагучалі ў выкананні Надзеі Аляшкевіч і Валерыі Аляшкевіч.

Прысутныя таксама пазнаёміліся з кніжнай выставай “Краіна мая — радасць мая”.